"Hitt føroyska skjaldraveldið“ hevur nú í fleiri mánaðir skjaldrast um samfelagið mitt í hesi krónutíð.
Ólavssøkan verður einki undantak.
Nú boðar Hitt føroyska skjaldraveldið til skjaldrating í Steinprenti í hølunum hjá Öström, har framsýningin - Litbrá - hongur hetta til 8. august.
Íðan, fer skjaldratingið eisini at geva litbráini veggjunum í Öström ein skarpan gang?
- Her fært tú samfelagið at síggja í speispegli málsins… í gaman og álvara… í øllum sínum mótsettu brigdum av ljósi og skugga… av skeivum og óskeivum… ljótum og óljótum.
Í tíðindaskrivi um Skjaldratingið, sum verður sett klokkan 15 ólavsøkudag í Öström, siga fyrireikararnir, at øll eru vælkomin, eins og tiltakið verður ókeypis.
##med2##
