Tað hevur verið øgiligur spenningur um, hvør fór at flyta niður saman við EB/Streymi. Nú er tað greitt, at tað verður Skála, sum verður hitt liðið at flyta niður.
Í kvøld var oyggjauppgerð í Sarpugerði. Víkingur hevði møguleika at vinna gull, um víkingarnir vunnu fulla úrtøku, og um KÍ tapti á Svangaskarði. Skála hevði lívið í næstbestu deildini at stríðast fyri.
Úrslitið var 3-1 til Víking. Tað ber við sær, at Víkingur vinnur silvurkrónurnar aftanfyri KÍ, sum við sigri á Svangaskarði í kvøld tryggjaði sær gullkrónurnar.
Tapið ber við sær, at Skála endar á níggjunda plássi og flytur niður úr næstbestu og triðibestu deildina.
Rani Hansen legði eftir smáar tíggju minuttir Víking á odda, og fimm minuttir seinni javnaði Aksel B. Danielsen til 1-1.
Í seinna hálvleiki skoraði Víkingur tvey mál. Tað fyrra skoraði Olaf Bárðarson, tá ið ein tími var farin, og tíggju minuttir undan leikloki staðfesti Tróndur J. á Høvdanum 3-1 heimasigurin.
Víkingur vinnur silvur við 55 stigum, og Skála flytur niður við 28 stigum.
