Tingfundur var lýstur at vera klokkan 9:30 í morgun. Tá varð uppskotið hjá landsstýrinum til Løgtingsfíggjarlóg lagt fyri tingið.
Eftir tað verður ein steðgur í tingfundinum til klokkan 11, tá tingfundurin verður uppafturtikin við skránni, sigur Bjørt Samuelsen, løgtingsforkvinna. Tað verður gjørt, tí at klokkan 10 verður tíðindafundur í Smæruni, har Ruth Vang, landsstýriskvinna í fíggjarmálum, fer at greiða frá fíggjarlógaruppskotinum.
Skáin fyri tingfundin er annars týsdagin er hendan:
Tingfundur
Dagsskráin, týsdagur, 30. september 2025, kl. 09:30
1) Framløga av fíggjarlógini
2) Ófráboðaðir fyrispurningar
3) 3. viðgerð LM-002/2025 - Uppskot til løgtingslóg um at geva Húsalánsgrunninum ræðið á bygninginum Eirargarður 2 í Tórshavn
4) 3. viðgerð LM-003/2025 - Uppskot til eykajáttanarløgtingslóg fyri august 2025 (Flyting av stjórnarráðum og Eirargarður 2 nýtast til lestrarbústaðir)
5) 2. viðgerð LM-010/2025 - Uppskot til eykajáttanarløgtingslóg fyri september 2025 (Umvæling av Løgtingsbygninginum)
6) 1. viðgerð LM-011/2025 - Uppskot til løgtingslóg um sterilisatión og kastratión (Sterilisatiónslógin)
7) 1. viðgerð LM-012/2025 - Uppskot til løgtingslóg um broyting í løgtingslóg um fyrsta byggistig at høvuðsumvæla og umbyggja skúlabygningarnar á Frælsinum (Prosjektera næsta byggistig fram til útboð)
8) 1. viðgerð LM-013/2025 - Uppskot til ríkislógartilmæli um at seta í gildi fyri Føroyar Lov om ændring af lov om sundhedsvæsenet på Færøerne (Udvidelse af Hjemmestyrets muligheder for at fastsætte regler om adgangen til ydelser i sundhedsvæsenet på Færøerne)
9) 1. viðgerð LM-014/2025 - Uppskot til løgtingslóg um fosturtøku (Fosturtøkulógin)
10) Framløga
Viðmerkingar
LM-011/2025 verður beint í Rættarnevndina
LM-012/2025 verður beint í Fíggjarnevndina
LM-013/2025 verður beint í Trivnaðarnevndina
LM-014/2025 verður beint í Rættarnevndina
