Næsta sunnudag, tað er sunnudagin 20. Juli, verður ein útgávukonsert, sum róliga kann kallast ógvuliga forvitnislig. Tað er Dávur Juul Magnussen, sum hevur útgávukonsert í Klæmintsgjógv í Hesti í sambandi við fløguna Cesurae, sum hann samstundis gevur út. - Hetta er ein tann mest forkunnuga og serstaka náttúru og mentannar upplivingum sum Føroyar hava at bjóða, siga tey í einum tíðindaskrivi í sambandi við konsertina.
Dávur Juul Magnussen, spælir trombonl og tað er hann, sum er stigtakari til hesa upptøku.
Hann hevur sjálvur spælt nógvar konsertir úti í Klæmintsgjógv, og heldur at hetta er heimsins besta konsert høll. - Tónleikurin á fløguni spennur vítt. Frá klassiskum tónleiki til fría improvisatión. Men, allur tónleikurin spælur væl saman við serstøku ljóðviðurskiftunum, sum er í Klæmintsgjógv. - Henda stóra holan gevur sera stórt og flott afturljóð, umframt nógv náttúruljóð, í blíva til ein virknan luttakara í tónleikinum. Ein er aldrin ensamallur í Klæmintsgjógv, tí Klæmint spælur altíð við, siga tey. Tónleikararnir á fløguni eru: Dávur Juul Magnussen: Trombon Tróndur Olsen: Trompet Ólavur Olsen: Trompet Katrin Jørgensen: Trompet Vidar Dahl: Trompet Jan Rúni Poulsen: Trummur Tað er Dávur Juul Magnussen sum hevur framleitt fløguna og Jónas Bloch hevur tikið upp og ljóðbandað. - Henda fløguútgáva er bert tað fyrsta hugskotið hjá Dáva, viðvíkjandi Klæmintsgjógv, sum er vorðið veruleiki, sigur hann.
- Saman við ørðum hevur hann nógv hugskot til framtíðina. Klæmintsgjógv er longu heimsins besta konserthøll. Dávur vil at hon eisini skal gerast ein av heimsins kendastu, siga tey í tíðindaskrivi. |
