Fýra gullheiðursmerki og tvey silvurheiðursmerki. Tað var úrslitið, tá føroyskir innirógvarar luttóku í kapping um vikuskiftið.
Sarita Hansen hevur um vikuskiftið luttikið í ensku meistarakappingini í innandurarógving og har hilnaðist bara heilt væl. Hon endurtók bragdið frá í fjør og vann á bæði 500m teininum og 2000m teininum. Tíðirnar vóru 1.41.5 og 7.29.5.
Bergur Robert Dam Jensen luttók eisini í ensku meistarakappingini, og eydnaðist tað honum at vinna silvur á 500m teininum við tíðini 1.28.1.
Tríggir rógvarar hava luttikið í DM og fingu vit tveir føroyskar Danmarksmeistarar. Sverri Nielsen og Jógvan Sofus Vilhelmsen vunnu í bólkinum opin tungvekt og 30-39 tungvekt.
Sverri Nielsen setti nýtt danskt met við tíðini 5.51, meðan Jógvan Sofus Vilhelmsen vann við tíðni 6.32.
Brandur Kjølbro vann silvur í bólkinum dreingir 14 við tíðini 6.52.
