Minst 24 fólk doyðu, og uppaftur fleiri vórðu særd í einari røð av álopum í og nærhendis irakska høvuðsstaðnum Bagdad í morgun. Myndugleikarnir siga, at 16 fólk doyðu, tá ókendir menn søktu at nøkrum eftirlitsstøðum hjá trygdarløgregluni beint vestan fyri Bagdad.
Beint aftaná søktu álopsmenn at málum tætt við eina shiamuslimska mosku sunnan fyri býin, og har lógu átta fólk eftirá.
Iraksku myndugleikarnir siga, at álopsmenninir, sum brúktu bæði hondvápn og bumbur, eru helst sunnimuslimar.
