Svenska løgreglan hevur í kvøld flutt fólk úr sølumiðstøðini Emporia í Malmø. Orsøkin er, at løgreglan kom fram á ein illgrunasaman lut á parkeringsøkinum hjá sølumiðstøðini.
Sydsvenskan skrivar, at bumbutøkningar hjá løgregluni nú eru komnir á staðið at kanna lutin.
Emporia er eitt av 15 støðum í Malmø, har løgreglan hevur hert vaktarhaldið eftir tilburðin í Stockholm fríggjadagin, tá ið fýra fólk doyðu og fimtan fingu skaða.
Løgreglan sigur, at tey kunnu ikki váttað, at talan er um vandamiklan lut, skrivar Sydsvenskan.
