Leygardagin verður ruddingardagur heima á Sandi.
Hetta er eitt tiltak, sum Ungmannafelagið ?Virkið³ skipar fyri á hvørjum ári.
Tiltakið byrjar við, at bygdarfólkið verður boðið í Ungmannafelagshúsið at fáa sær kaffi og kaku. Síðan verður farið at rudda í bygdini, og alt, sum kann brennast, verður koyrt oman á sandin.
Um kvøldið verður bálið kynt, og her verður sungið og talað.
Í ár hevur Ungmannafelagið biðið Julionnu Joensen um at halda røðu. Undirhald verður eisini bæði fyri børn og tilkomin, og fólk kunu keypa sær pylsur og annað.
Kvøldið endar við góðum dansi í Ungmannafelagshúsinum, har Geislar spæla.
?Virkið³ væntar, at fólk fara at taka væl undir við tiltakinum.
