Portugisiski stórspælarin hjá Real Madrid, Cristiano Ronaldo hevur fingið kritikk fyri at verða væl undir sítt vanliga støðið í 2015.
Hóast hetta, so endaði Cristiano Ronaldo á 57 málum í 57 dystum fyri Real Madrid og portugisiska landsliðið, sum má sigast at verða eitt ótrúliga gott gjøgnumsnitt.
Cristiano Ronaldo skeyt tvey mál í 3-1 sigrinum hjá Real Madrid, tá høvuðstaðarliðið tók ímóti Real Sociedad fyrr í dag. Cristiano Ronaldo hevði brúk fyri at skjóta tvey mál fyri at halda gjøgnumsnittinum á einum máli, og tað var júst tað hann gjørdi. Umframt at skjóta tvey mál í dystinum í dag brendi Cristiano Ronaldo eisini eitt brotsspark. Tá hann aftur fekk høvið at skora uppá brotsspark seinni í dystinum sveik hann ikki álitið.
