Italska ávísin, La Repubblica, veit í morgun at siga, at tríggir av fremstu ríkisleiðarunum í ES vóru í náttartokinum til Kyiv farnu nátt.
Hesir eru franski forsetin, Emmanuel Macron, italski forsætisráðharrin, Mario Draghi og týski samveldiskanslarin, Olaf Scholz.
Teir vóru allir í sama toki, og tað var eitt tíðindafólk hjá La Repubblica, sum hitti teir, har teir sótu og prátaðu.
Fleiri evropeiskir ríkisleiðarar hava vitjað høvuðsstaðin og hava hitt ukrainska forsetan í Kyiv, síðan Russland leyp á Ukraina.
