BankNordik kunnger í dag roknskapin fyri fyri fyrstu níggju mánaðirnar í ár og staðfestir, at úrslitið fyri fyrsta, annan og triðja ársfjórðing samsvarar við væntanirnar.
Rakstrarúrslit bankans fyrstu níggju mánaðirnar í ár er 157 milliónir krónur, sum er ein framgongd á 41 milliónir krónur í mun til í fjør. Úrslitið fyri triðja ársfjórðing var 60 milliónir krónur, sum er 14 milliónir minni enn fyri 2. ársfjórðing.
Bankin boðar frá, at niðurskrivingar av útlánum eru minkaði við 47 milliónum krónum, samanborið við árið fyri.
Rentuinntøkurnar eru minkaðar við 17 milliónum krónum, meðan inntøkurnar frá tænastugjøldum eru hækkaðar við 29 milliónum krónum. Inntøkurnar frá tryggingarvirkseminum hækkaði við trimum milliónum krónum, meðan rakstrarútreiðslurnar hækkaðu við 14 milliónum krónum.
Starvsfólkatalið er lækkað við 39 fólkum seinasta árið.
Úrslitið fyri skatt var 115 milliónir krónur, sum er 19 milliónir krónur lægri enn fyrstu níggju mánaðirnar í fjør.
