Sambandsfundur
Sørvági: Føroyingar avgera púra einsamallir, hvat vit brúka peningin, vit fáa í blokkstuðuli, til. Tað staðfesti Lisberth Petersen á landsfundi Sambandsfloksins.
Hildið varð fram á landsfundi Sambandsfloksins, at raðfestingarnar í heilsuverkinum hava eitt sindur av slagsíðu.
Ymsar meiningar eru um, hvørt tað er rætt at brúka peningin til lønir, ella um hann skuldi verið brúktur til íløgur og viðlíkahald. Og so er skjótt at fáa bent orðaskiftið tann vegin, at pengarnir eru markaðir til ávísar partar í eitt nú sjúkrahúsinum.
Men so er ikki, segði Lisbeth L. Petersen. Hon segði við støði í fyrilestri hjá Bent Klinte, fyrrverandi ríkisumboðsmanni, at tað eru bara føroyingar sjálvur, sum gera av, hvat peningurin frá blokkstuðlinum verður brúktur til.
? Tað er bara, um føroyingr finna upp á taka av eitthvørt, at danir fara at blanda seg uppí, segði Lisbeth L. Petersen.
Ansgar Hansen, kalskvíkingur á sambandsfundi, spurdi beinleiðis, um Klaksvíkar sjúkrahús eigur nakran vin í Sambandsfliokkinum, svaraði Lisbeth Petersn stutt og greitt: »Ja«.
Hon vísti á, at tað eisini í framtíðini fara at verða trý sjúkrahús í føroyska heilsuverkinum. Tað er breið politisk semja um tað.
Tað er nógv størri samstarvsvilji millum sjúkrahúsini, bæði hjá starvsfólki og politikarum, í dag, enn tað var fyri bara fáum árum síðan.
Petur Ellefsen, sum hevði innleggið um heilsuverkið á landsfundinum, tók aftur í spurningin um, hvørt Klaksvíkar Sjúkrahús átti nakran vin í Sambandsflokkinum við at siga, at tað mangan tókstist soleiðis, at annaðhvørt ert tú vinur við Klaskvíkar sjúkrahú ella ikki.
? Tí er gott at eiga eina sum Lisbeth, sum klárar at vera vinur við bæði Klaksvíkar Sjúkrahús og eitt nú Landssjúkrahúsið, segði hann.
