Russiski forsetin, Vladimir Putin, fer at vitja kinesiska forsetan, Xi Jinping, mikudagin.
Tíðindastovan NTB veit at siga, at forsetarnir báðir skulu hittast í kinesiska høvuðsstaðnum.
Forsetarnir skulu hittast í samband við eina ráðstevnu í Kina hin 18. oktober um undirstøðukervi og búskaparliga menning.
Tað var í síðsta mánaði, at leiðarin fyri russiska trygdarráðið segði, at Putin og Xi skuldu hittast í oktober.
Fráboðanin um forsetavitjanina í Kina kom í samband við, at kinesiski uttanríkisráðharrin, Wang Yi, var á vitjan í Russlandi.
