Í kvøld klokkan 20.30 føroyska tíð - klokkan 19.30 íslendska tíð - byrjar íslendska kappingarárið við stórsteypadystinum millum verandi meistararnar, Breiðablik og verandi steypavinnararnar, Víkingur Reykjavík.
Í Íslandi hevur vinnarin av stórsteypinum eitt so flott heitið sum: "Meistari meistaranna".
Av tí, at Breiðablik er verandi meistari verður dysturin leiktur á heimavøllinum hjá Breiðabliki í Kópavogi.
Patrik Johannesen, ið hevur staðið seg væl í kappingini um Lengjubikarið byrjar inni fyri Breiðablik. Klæmint A. Olsen er millum eykaleikararnar á beinkinum hjá Breiðabliki í kvøld.
So verður spennandi at síggja um Patrik og Klæmint vinna sítt fyrsta steyp í Íslandi í kvøld.
Víkingur Reykjavík verður framyvir liðið hjá Gunnari Vatnhamar.
