TB-húsið á Tvøroyri, sum seinastu mongu árini hevur verið karmur um náttarlívið í Suðuroynni, fer nú í søguna. Seinasti dansurin í húsinum verður 12. November, tá ið Páll Finnur Páll seta punktum fyri virksemi í Black and White.
-Sevmýris Leikvøllur er kolldømdur og verður í dag einans nýttur til venjingar. TB-húsið stendur enn, men so smátt sum nýggi vøllurin fer at taka skap í Trongisvági og nýtt felagshús verður bygt, so fer virksemið eisini at minka í TB-húsinum, siga fyrireikarar.
Fríggjadagin 11. November kemur enn ein fløgan hjá Páll Finnur Páll á marknaðin. Kom við Mær er heitið á nýggju fløguni, og longu nú kann eitt av løgunum hoyrast á YouTube. Lagið eitur Eg drepi meg sjálvan.
Dansurin verður 12. November, og einki aldursmark er í TB-húsinum.
Fyrireikarar siga, at teir vóna nógv fólk møta upp til endabrestin í TB-húsinum.
