Órógv er danska bilasølumarknaðinum, nú bæði Ford og Hyundai hava sagt upp øllum sínum søluumboðum í Danmark.
Nic. Christiansen Gruppen, sum stendur fyri innflutningi av bæði Ford og Hyundai í Danmark, hevur boðað frá, at øll teirra umboð eru uppsøgd við einum ára uppsagnarfreist.
Bert nøkur fá av umboðnum fáa bjóðað nýggjar sáttmálar.
Henda avgerðin, sum varð kunngjørd hósdagin 6. februar, kemur minni enn eitt ár eftir, at Ford Motor Company tók seg úr danska marknaðinum og seldi virksemið til Nic. Christiansen-samtakið.
Samstundis fylgir Hyundai nú í fótasporunum hjá Nissan, sum eisini valdi at siga allar sínar umboðsmenn upp í desember 2023.
Uppsagnirnar eru partur av eini størri konsolideringsbylgju, har bilinnflytarar skerja talið av umboðum fyri at effektivisera virksemið.
Vinnan stendur fyri stórum broytingum, og sambært greinarum der er hendan gongdin bert júst byrjað:
Roknað verður við, at hendan gongdin eisini verður helst eisini at síggja fyri onnur merki komandi árini, verður sagt. Og spurt verður til dømis, um Stellantis fer at halda fram við verandi, nakað sundurbýttu forhandlaraskipan. Og hvat við Volkswagen og Skoda?”
Fyri donskar bilasølur merkir henda broyting, at nógvir umboðsmenn missa sínar umboðssáttmálar og harvið ein týðandi part av sínum virksemi.
Sambært Tønder snúgva uppsagnirnar seg ikki um, at umboðsmenninir neyðturviliga reka eina ringa fyritøku, men at teir ikki eru nóg stórir til at fylgja við gongdini, Nic. Christiansen samtakið vil vera á danska marknaðinum.
Ford hevur eina langa søgu í Danmark. Merkið hevur altíð verið á marknaðinum, og enntá var eitt tíðarskeið við bilframleiðslu í Danmark fram til 1965.
Hyundai harafturímóti er eitt nýggjari merki í donskum høpi og hevur bert verið í landinum síðani 1992.
Rúni Djurhuus, stjóri hjá Ford umboðnum í Føroyum, P/F Wenzel sigur, at hetta fer ikki at ávirka støðuna hjá Ford í Føroyum.
– Vit halda fram sum Ford umboð í Føroyum sum umboð fyri Nic. Christiansen samtakið, sigur Rúni Djurhuus.
