Hetta sigur danski uttanríkisráðharrin, Lars Løkke Rasmussen - á veg inn á fund við uttanríkisráðharrarnar í ES, sum er í Luxemburg í dag.
Danmark hevur í løtuni formansskapin í ES.
Seint sunnukvøldið segði amerikanski forsertin, Donald Tump, við tíðindafólk umborð í forsetaflogfarinum, at ukrainska Donbas-regiónin har eysturi í Ukraina eigur at verða býtt millum Russland og Ukraina, har hermótið er í løtuni.
- Síðan mugu londini samráða seg fram til eina endaliga loysn, legði hann aftrat.
Uppskotið hjá amerikanska forsetanum kom eftir, at ukrainski forsetin, Volodymyr Zelenskyj, hevði verið á vitjan í Hvítu Húsunum.
Ein slík loysn hevði merkt, at meginparturin av Donbas-økinum í Ukraina hevði endað á russiskum hondum.
Hóast Russland hevur ligið úti eftir ukrainska Donbas-økinum í nógv ár, hevur tað enn ikki eydnast russiska herinum at tryggjað sær valdið yvir øllum Donbas.
Donbas-økið har eysturi í Ukraina fevnir um ukrainsku landslutirnar, Donetsk og Luhansk.
Eftir ætlan skal amerikanski forsetin, Donald Trump, í næstum hitta russiska forsetan, Vladimir Putin, í høvuðsstaðnum í Ungarn, Budapest.
