Klokkan 17 høvdu 74,23 prosent av teimum 7,53 milliónum veljarunum atkvøtt á fólkatingsvalinum í Ungarn.
Hetta merkir, at veljaraluttøkan er væl omanfyri prosenttalið frá seinasta vali í 2022, har 62,92 prosent høvdu atkvøtt klokkan 17.
Tað upplýsir valmyndugleikin í landinum, sambært tíðindastovuni Reuters.
Valhølini lótu upp klokkan 6 og lata aftur klokkan 19.
Landsins forsætisráðharri, Viktor Orbán úr Fidesz, sum hevur sitið við valdið í landinum síðani 2010, roynir at verða afturvaldur.
Hann er avbjóðaður av Peter Magyar úr miðhøgra flokkinum Tisza, sum hevur verið fyrimunur í meiningakanningunum.
/Ritzau/
