Í januar ársfjórðingi vóru meiri enn 3.000 fólk í teimum grønlendsku býunum skrásett sum arbeiðsleys. Tað svarar til 9,6 prosent av arbeiðsmegini, og tey arbeiðsleysu vóru næstan 200 fleiri enn somu mánaðir í fjør, sigur hagstovan í Nuuk.
Arbeiðsloysið vaks serliga nógv í Sisimiut, men tað komst av, at fiskavirkið, sum Royal Greenland hevur í býnum, var stongt orsakað av umvælingum.
Í Maniitsoq, Qasigiannguit, Ilulissat, Narsaq og Tasiilaq var arbeiðsloysið harafturímóti minni enn í januar ársfjórðingi í fjør.
Í Qaanaaq, sum er tann norðasti býurin í Grønlandi, var arbeiðsloysið størri enn í hinum býunum. Tað var næstan 20 prosent í januar ársfjórðingi, skrivar Sermitsiak.
