Talan er um eitt nýtt starv á einari nýggjari deild. Menningardeildin er ein samanrenning av KT- deildini og fyrisitingardeildini, og kemur hartil at hava ábyrgd av produktmenning.
Annika Mittún Jacobsen hevur útbúgving sum cand. merc. dat. og hevur seinastu uml. 6 árini arbeitt hjá finsku tryggingarfyritøkuni Pohjolan Systeemipalvelu. Seinastu tvey árini hevur hon verið projektleiðari og samskipari innan KT-menning og KT-bygnað.
Umframt hetta hevur Annika arbeitt sum KT-ráðgevi og systemútviklari hjá FDB-data og WM-data í Keypmannahavn. Í Føroyum hevur hon starvast hjá táverandi Tryggingarsambandi Føroya og á Elektron.
Annika er 39 ára gomul og gift við Tapio Peltonen. Tey eiga tvey børn, 2 og 4 ára gomul.
