Aftaná stóran fagnað og nógva umtalu aftaná minnliga 12-11 (2-2 - 2-0) sigrinum á Manchester United í Liga Cup steypakappingini, so var aftur gerandisdagur hjá Grimsby Town í dag.
David Geza Turi byrjaði inni, men var skiftur út í steðginum, tá Grimsby var fyri fyrsta tapinum hetta kappingarárið. Grimsby tapti 0-1 fyri Bristol Rovers á Blundell Park leikvøllinum. Bristol skoraði sigursmálið í 27. minutti.
Grimsby er nummar átta í deildini við 11 stigum fyri seks dystir. Tó hava teir bara trý stig upp til oddaliðið, Gillingham sum hevur 14 stig.
Meðan Geza er burtur í landsliðsørindum spælir Grimsby tveir kappingardystir. Geza fer nú at hugsavna seg um heimadystin hjá føroyska landsliðnum móti Kroatia á Tórsvølli komandi fríggjakvøld klokkan 19.45, og útidystin móti Gibraltar, mánakvøldið 8. september klokkan 19.45.
