Áki D. Samuelsen var aftur at síggja á liðnum hjá Ranheim, ið spældi dyst á útivølli móti Kongsvinger í næstbestu norsku fótbóltsdeildini.
Í dag fekk Áki 83 minuttir á vøllinum, og hann hevði nakrar góðar atsóknir móti málinum hjá Kongsvinger í dystinum, sum endaði við javnleiki 1-1.
Kongsvinger legði seg á odda miðskeiðis í fyrra hálvleiki. 19 minuttir inn í seinna hálvleik javnaði senegalski áleyparin Seydina Diop til 1-1.
Ranheim er nummar átta í deildini við 29 stigum fyri 21 dystir. Ranheim hevur tvey stig upp til sætta plássið, ið gevur rætt til uppflytingardystir. Har hevur Lyn Oslo 31 stig.
Leygardagin 13. september hevur Ranheim heimadyst móti Åsane.
Áki fer nú at hugsavna seg um U21 EM-undankappingardystirnar á útivølli móti Íslandi komandi hóskvøld, og mánadagin 8. september móti Luksemborg.
HER ber til frá norska TV2 at síggja hæddarpunktini frá dystinum Kongsvinger-Ranheim 1-1 (0-1). Málmøguleikar hjá Áka síggjast eisini í samandráttinum:
##med2##
