Føroyar endaðu í innleiðandi HM-bólki F, har mótstøðuliðini eru Portugal, Póllandi og Algeria.
Talan er um eitt minni gott lutakast. Pólland var millum sterkastu liðini í styrkisbólki 3, og Algeria er ikki eitt lið, ið er lætt at syfta. Portugal endaði fjórðfremst í seinasta HM-endaspælinum, og teir endaðu á fimta plássinum í seinasta EM-endaspælinum. So talan er um eitt sera sterkt lið.
Føroyar vóru í styrkisbólki 2.
Føroyar koma at spæla sínar innleiðandi dystir í Magdeburg í eystara partinum av Týsklandi.
Týska meistaraliðið, SC Magdeburg hevur víst Óla Mittún stóran áhuga, og sleppur hann nú at vísa seg fram í Magdeburg.
Enda Føroyar millum trý tey ovastu liðini í innleiðandi bólkinum skulu okkara kappast í millumumfarinum um rættin at vinna seg í fjórðingsfinalurnar.
Eitt møguligt millumumfar hjá Føroyum verður leikt í ZAG Arena í Hannover, ið er heimavøllurin hjá liðnum hjá Vilhelmi Poulsen, Hannover-Burgdorf.
Enda Føroyar aftast í innleiðandi bólkinum, so skulu okkara kappast um endastøðurnar millum nummar 25 og 32, har fremsta liðið vinnur President´s Cup.
President´s Cup verður leikt í Magdeburg.
Fjórðingsfinalur, hálvfinalur, bronsudysturin og finalan verður leikt í Lanxess Arena í Köln.
HM-endaspælið verður leikt dagarnar millum 13. januar og 31. januar.
HER er alt lutakastið:
##med2##
