Tað sigur veðurlagseftirlitstænastan hjá ES, Copernicus, sambært AFP.
Sambært stjóranum í Copernicus, Carlo Buontempo, benda nýggjastu metingarnar á, at sannlíkindini eru stór fyri, at El Niño verður miðalsterkt til sera sterkt – og kanska eitt tað sterkasta, sum nakrantíð er mátað.
– Sannlíkindini tala greitt fyri einari miðalsterkari til sterkari, ella helst sterkari til metstórari hending, sigur Carlo Buontempo.
El Niño er eitt náttúrligt veðurlagsfyribrigdi í Kyrrahavinum, sum hevur ávirkan á veðrið kring allan heimin. Tá sjógvurin í pørtum av Kyrrahavinum gerst óvanliga heitur, kann tað elva til hitabylgjur, turk, sera nógv regn og aðrar veðurlagsbroytingar í ymiskum pørtum av heiminum.
Sera sterk El Niño-tíðarskeið hava áður verið knýtt at methita og fleiri ekstremum veðurhendingum.
Veðurfrøðingar fylgja tí neyvt við gongdini komandi mánaðirnar fyri at staðfesta, hvussu nógv fyribrigdið fer at ávirka veðrið kring heimin.
