Seinastu fýra árini hevur borið til at taka FHS sum fjarlestur á Føroya Handilsskúla á Kambsdali. Hesin møguleiki er nú víðkaður til eisini at umfata einstakar HH lærugreinir. Freistin at søkja er í morgin hósdagin 12. juni
Fjarlesturin hevur verið sera væl umtóktur og úrslitini hava somuleiðis verið góð. Í miðal hava 100 lesandi luttikið hvørt árið. Lesturin er skipaður umvegis First class skipanina hjá KT-depilinum, og tey lesandi hittast harumframt á skúlanum tveir ferðir í hvørjari lestrarhálvu.
Fjarlesturin er fyrst og fremst ætlaður teimum, sum onkusvegna ikki hava møguleika at luttaka á dag- og kvøldskúla Handilsskúlans.
Meira fæst at vita um fjarlesturin á www.fhk.fo.
