Tíðindaskriv, Bilasølufelagið:
Tí at fyritreytirnar hjá FMR eru skeivar og viðføra, at færri bilar vera seldar. Hetta er sama feilmeting, sum FMR gjørdi í 2023 og 2024.
Fleiri avgjøld merkja ikki fleiri inntøkur
Orsøkin er einfald: Við hækkandi avgjøldum gerast bilarnir ov dýrir at selja í Føroyum, og tí mugu bilarnir seljast uttanlands aftaná, at teir hava verið nýttir sum leigubilar í Føroyum. Færri bilar verða seldir, og tí verður eisini færri innheintað í avgjøldum.
Hetta er somuleiðis staðfest í royndum við undanfarnu lógarbroytingum, har meirinntøkan, sum var mett, ikki hevur staðið mát við veruleikan.
Tvey dømi vísa sama mynstrið
2023 – Avgjaldshækkan av hybrid-akførum
- Samtykt lógaruppskot: https://www.logting.fo/mal/mal/?id=10257
- Mett meirinntøka: 32 mió. kr. árliga
“Mett verður, at árligu meirinntøkurnar við avgjaldshækkingini fyri hybridakfør (HEV og PHEV) verða alt annað líka 32 mió. kr.”
- Veruleikin: Minni innkomið eftir broytingina, enn árini áðrenn.
2024 – Avgjaldshækkan av elbilum
- Samtykt lógaruppskot: https://www.logting.fo/mal/mal/?id=10550
- Mett meirinntøka: 25 mió. kr. í 2024, minkandi stigvíst til 2028
“Metingin hjá Fíggjarmálaráðnum er, at samlaða meirinntøkan av uppskotinum er um 25 mió. kr. í 2024.”
- Veruleikin: Sølan av elbilum fall, og inntøkan frá avgjøldum minkaði.
Sí graf og talvu við tølum um virðisgjøld frá Akstovuni:
| Ár | Virðisgjøld |
| 2022 | 105.445.885 kr. |
| 2023 | 77.331.135 kr. |
| 2024 | 64.642.604 kr. |
##med2##
Bilasølufelagið: Fíggingin heldur ikki í veruleikanum
Bilasølufelagið vil gera greitt, at tær 15 mió. kr., sum Fíggjarmálaráðið væntar at fáa inn frá MVG-lógarbroytingini fyri víðari sølu av leigubilum, ikki halda í praksis.
Fíggjarmálaráðið grundar broytingina á, at hendan inntøkan skal fíggja MVG-frítøku av grønmeti.
Uttan at taka støðu til MVG-frítøkuna av grønmeti, vil Bilasølufelagið undirstrika, at fíggingin ikki kemur frá MVG-broytingini í leigubilalógini, tí at tann inntøkan hvørvur í manglandi virðisgjøldum.
Tá ið leigubilarnir gerast ov dýrir at selja í Føroyum, flytist sølan út um landoddarnar – og harvið fær landskassin hvørki MVG ella avgjøld.
Bilasølufelagið mælir til, at uppskotið til broytingar í lógini um meirvirðisgjald verður broytt soleiðis, at broytingarnar til § 10, stk. 2 um leigubilar, ikki verður við í lógaruppskotinum.
