Hendingin fór fram í mai í fjør og maðurin, sum skeyt, var sambært dóminum 72 ára gamli, Juraj Cintula.
Myndugleikarnir í Slovakia hava sagt, at talan var um eina yvirgangsatsókn, tá forsætisráðharrin varð skotin.
Robert Fico varð illa løstaður í álopinum. Hann varð raktur av fýra skotum, meðan hann heilsaði viðhaldsfólki í fyrrverandi námsbýnum, Handlova hin 15. mai í fjør.
Eftir trimum vikum var forsætisráðharrin komin nøkulunda fyri seg aftur, og hann hevur áður sagt, at hann hevur fyrigivið mannnum sum skeyt.
Sjálvur hevur hin dømdi, Juraj Cintula, starvast í námsvinnuni; hann hevur eisini arbeitt sum steinhøggari, trygdarvørður og hevur víst seg sum aktivist.
Hann varð handtikin beint eftir álopið og hevur sitið í varðhaldi síðan. Nú dómur er fallin, kann dómurin sambært Verdens Gang kærast til landsins hægstarætt.
##med2##
