Jørgen Niclasen hevur í dag fingið handað mótmælisskriv, har 72 starvsfólk á Landssjúkrahúsinum mótmæla framdu broytingunum í tollfríu søluni av tubbakki
Mótmælið er soljóðandi:
"Undirritaðu starvsfólk á Landssjúkrahúsinum mótmæla við hesum almenna skrivi harliga, at landsstýrismaðurin tann 2. juli 2015 hevur broytt kunngerðina um innflutning av tollfríum tubbaksvørum.
At loyva øking í innflutningi av tollfríum tubbakki brýtur niður fyribyrgingararbeiðið, sum vit heilsustarvsfólk røkja, og verður til skaða fyri fólkaheilsuna. Vit krevja, at landsstýrismaðurin tekur kunngerðina aftur sum skjótast."
