Fert tú á ólavsøku í ár?
- Ja, bróður kemur heim úr Danmark, og vit plaga at fara á ólavsøku, sigur Hilmar J. Højgaard.
Hvussu heldur tú ólavsøku?
- Tað er eitt sindur ymiskt. Onkuntíð eri eg til setanina og onkuntíð til kappróður. Annars verður bara gingið gjøgnum býin, heilsað upp á fólk og prátað.
Hvat er tað besta við ólavsøkuni?
- Tað veit eg ikki, men tað plagdi at vera hugnaligt at hoyra Njál, sála, og Frelsunarherin.
Er onkur serlig ólavsøka, tú minnist?
- Kanska onkur, tá man var ungur og róði kapp, men tær ólavsøkurnar tími eg ikki so væl at minnast.
Kundi okkurt verið øðrvísi við ólavsøkuni?
- Minni av regni og minni av toku. Annars er alt okey, sigur Hilmar J. Højgaard.
