Nógvar nýggjar matstovur hava latið dyrnar upp kring landið síðsta árið, og nú fáa tær uppaftur betri umstøður at virka undir.
Løgmansskrivstovan lýsti í gjár eina kunngerð, ið broytir upplatingartíðina fyri matstovur og aðrar handlar, ið selja mat og drekka at njóta á staðnum. Tað skrivar Kringvarpið.
Har slík støð áður hava verið áløgd at steingja klokkan 23 á kvøldi, er upplatingartíðin nú víðkað til klokkan 24. Sostatt ber nú til at hava opið ein tíma longri á kvøldi. Løgreglan kann tó, við undirtøku frá viðkomandi bý- ella bygdaráði, loyva longri upplatingartíð.
Avgerðin at broyta upplatingartíðina er tikin í samráð við Føroya Landsstýri og Føroya Kommunufelag.
