Longdi flogvøllurin í Vágum verður tikin í nýtslu leygardagin, og tá verður almenn móttøka har.
Klokkan 14 lendir fyrsta flogfarið, og sløkkiliðsbilarnir fara at heilsa tí við at spræna vatn .
Vágakórið fer at syngja, og Kitty May Ellefsen, nevndarforkvinna, Johan Dahl, landsstýrismaður, Finnbogi Niclasen, stjóri, Christian Andreasen, nevndarformaður í J & K Petersen og Bjarni A. Bjarnasson, nevndarformaður í Atlantsflog halda røðu.
Móttøkan verður í farstøðini á flogvøllinum.
Bussar koyra runt vøllin har høvið verður at síggja nýggja vøllin. Ábit verður bæði til børn og vaksin. Ymiskt undirhald verður eisini til børnini.
