Hann segði við útvarpið, at hann einki leggur í, at færri enn helmingurin av øllum føroyingum hava álit á honum. Hann tók sum dømi, at íslendska stjórnin, sum hann beundrar fyri at hava tikið tung tøk, hevur nógv verri undirtøku.
Í Noreg, har stjórnin hevur verið í hørðum mótvindi, hava kortini 66 prosent álit á stjórnini, og í Danmark, har veljarakanningar geva stjórnini ein lúsing fyri og annan eftir, hava kortini 53 prosent av fólkinum álit á stjórnini.
Tað merkir, at í tildømis Noreg og í Danmark, har hava veljarar álit á eini stjórn, hóast teir velja aðrar flokkar.
Men løgmaður fer kortini í fótbóltsterminologiina og staðfestir, at tað er tað sama sum at spyrja havnarfólk, um tey halda við HB ella B36.
– Og tá politikkurin ikki stingur djypri, so er tað óført, at føroyingar eru so lukkuligur – og fegnast um reint vatn og reina luft og at eingin bilurin framvegis stendur í túninum, tá vit vakna um morgunin...
Vit skilja væl, at løgmaður er lukkuligur!
