Seinna hálva av triðja umfarinum í bólkaspælinum í Champions League hevur verið í kvøld. Liverpool vann tryggan sigur á Reyðu Stjørnu, meðan FC Barcelona, uttan ein skaddan Lionel Messi, vann 2-0 á Inter Milan.
Í bólki C er hørð kapping um tvey tey fremstu plássini. Liverpool vann greiðan 4-0 sigur á Reyðu Stjørnu, og hevur seks stig á fyrsta plássi. Mohamed Salah skoraði tvey av málunum. Hetta er annar dysturin á rað, har Liverpool vinnur og Mohamed Salah skorar. PSG og Napoli deildu stigini og hava fýra og fimm stig.
Í bolki B er Tottenham komið illa fyri, eftir 2-2 javnleik móti PSV í dag. FC Barcelona vann 2-0 á Inter Milan og hevur níggju stig. Inter Milan hevur seks stig, meðan Tottenham bara hevur eitt stig. Tottenham var annars á odda 2-1, men so bleiv Hugo Lloris útvístur og PSV javnaði.
Bólkur A:
Club Brugge – Monaco 1-1
Borussia Dortmund – Atletico Madrid 4-0
Støðan:
1. Borussia Dortmund 9
2. Atletico Madrid 6
3. Monaco 1
4. Club Brugge 1
Bólkur B:
PSV – Tottenham 2-2
Barcelona – Inter Milan 2-0
Støðan:
1. FC Barcelona 9
2. Inter Milan 6
3. Tottenham 1
4. PSV 1
Bólkur C:
Liverpool – Reyða Stjørna 4-0
PSG – Napoli 2-2
Støðan:
1. Liverpool 6
2. Napoli 5
3. PSG 4
4. Reyða Stjørna 1
Bólkur D:
Galatasaray – Schalke 04 0-0
Lokomotiv Moskva – FC Porto 1-3
Støðan:
1. FC Porto 7
2. Schalke 5
3. Galatasaray 4
4. Lokomotiv Moskva 0
