Tveir teir seinastu dystirnir í 37. og næst seinasta umfari í Premier League hava verið í kvøld. Liverpool vann 5-3 á Chelsea og fekk Premier League steypið handað, meðan Manchester United fekk týdningarmikið stig á heimavølli móti West Ham.
Liverpool var eitt skifti á odda 4-1 og hevði kós móti einum tryggum sigri, men Chelsea minkaði um munin niður í 4-3, áðrenn innskifti Alex Oxlade-Chamberlain setti punktum við málinum til 5-3. Hinir málskjúttarnir vóru Naby Keita, Trent Alexander-Arnold, Georginio Wijnaldum og Roberto Firmino.
Á Old Trafford spældi Manchester United javnleik 1-1 móti West Ham. Gestirnir komu á odda við brotssparki frá Michail Antonio. Ungi og evnaríki Mason Greenwood javnaði fyri Manchester United, sum við javnleikinum hevur yvirhálað Leicester.
Manchester United og Chelsea hava nú 63 stig á triðja og fjórða plássi, sum geva atgongd til Champions League komandi kappingarár. Leicester City hevur 62 stig og spælir móti Manchester United í seinasta dystinum. Tá spælir Chelsea á heimavølli móti Wolverhampton.
| 1 | Liverpool | 37 | 31 | 3 | 3 | 82:32 | 96 |
| 2 | Man City | 37 | 25 | 3 | 9 | 97:35 | 78 |
| 3 | Man United | 37 | 17 | 12 | 8 | 64:36 | 63 |
| 4 | Chelsea | 37 | 19 | 6 | 12 | 67:54 | 63 |
| 5 | Leicester | 37 | 18 | 8 | 11 | 67:39 | 62 |
| 6 | Wolves | 37 | 15 | 14 | 8 | 51:38 | 59 |
| 7 | Tottenham | 37 | 16 | 10 | 11 | 60:46 | 58 |
| 8 | Sheffield United | 37 | 14 | 12 | 11 | 38:36 | 54 |
| 9 | Burnley | 37 | 15 | 9 | 13 | 42:48 | 54 |
| 10 | Arsenal | 37 | 13 | 14 | 10 | 53:46 | 53 |
| 11 | Everton | 37 | 13 | 10 | 14 | 43:53 | 49 |
| 12 | Southampton | 37 | 14 | 7 | 16 | 48:59 | 49 |
| 13 | Newcastle | 37 | 11 | 11 | 15 | 37:55 | 44 |
| 14 | Crystal Palace | 37 | 11 | 9 | 17 | 30:49 | 42 |
| 15 | West Ham | 37 | 10 | 8 | 19 | 48:61 | 38 |
| 16 | Brighton | 37 | 8 | 14 | 15 | 37:53 | 38 |
| 17 | Aston Villa | 37 | 9 | 7 | 21 | 40:66 | 34 |
| 18 | Watford | 37 | 8 | 10 | 19 | 34:61 | 34 |
| 19 | Bournemouth | 37 | 8 | 7 | 22 | 37:64 | 31 |
| 20 | Norwich | 37 | 5 | 6 | 26 | 26:70 | 21 |
