Eins og undanfarin ár, verður listaframsýning í fimleikahøllini í skúlanum við Gøtugjógv um páskirnar. Ferniseringin við tónleikaframførslu og kaffi verður langafríggjadag kl.16, og Hanna Jensen úr Norðragøtu setur framsýningina.
Nú eru 6 ár síðani hendan páskalistaframsýning fyrstu ferð varð hildin, og tað eru lokal listafólk – úr Gøtu og Leirvík, sum sýna fram og sum hava tikið stig til tiltakið. Ikki færri enn 13 fólk eru við í ár, og ber hetta boð um eitt listarliga virkið fólk.
Navnframi teknarin, Jens Klæmint Jacobsen, hvørs rámandi keiputeknarar javnan eru at síggja, byrjaði ikki at sýna fram fyrr enn hann var 50 ára gamal. Hann eggjar tí ungum teknarum at byrja tíðliga at luttaka á framsýningum. Hann hevur nakrar av sínum yngru lærlingum við sær.
Onnur eru teknarar og málarar, sum hava fingist við list leingi. Eitt nú Tummas Jákup Thomsen úr Norðragøtu og Elisabet Maria Pálsdóttir úr Syðrugøtu. Sum nakað serligt sýnir Sædis Eilifsdóttir fram glarlist.
Framsýningin verður opin frá langafríggjadegi 30.03 til og við 2. páskadag 02.04. Opið er allar dagarnar frá kl. 16.00 til 19.00.
Luttakarar:
1. Tummas Jákup Thomsen Tekningar- tusj, litkrit og akryl
2. Jens Klæmint Jacobsen Tekningar - blýant
3. Eik Klæmintsdóttir Tekningar – blýant, litblýant og
vatnlitir
4. Lise-Lotte Baugsgaard Vindelbo Tekningar – blýant og máling
5. Felisia Hammer Tekningar - blýant og litblýant
6. Erla J. Ellingsgaard Tekningar
7. John V. Petersen Tekningar
8. Dagmar L. Mouritsen Málningar- akryl
9. Eivi Klæmintsdóttir Málningar - akryl
10.Valborg Klæmintsdóttir Málningar
11. Halda Hansen Málningar, akryl og tekningar, blýant/litblýant
12.Elisabet Maria Pálsdóttir Vatnlitir og akryl
13. Sædis Eilifsdóttir Glaslist
