Í ár fer at bera til at runda ólavsøkuna av við einum góðum látri. Leygarkvøldið - kvøldið eftir ólavsøku - verður nevniliga ein serlig sýning við Pipar & Salt í Ítróttarhøllini á Hálsi.
Talan er um somu sýning, sum júst hevur gingið fyri fullum húsum í Norðurlandahúsinum - men hendan sýningin fær sjálvandi ein serligan ólavsøkudám.
Sýningin verður klokkan átta leygarkvøldið.
