Næsta ár verður tað eitt sindur lættari at vera stakur uppihaldari. Annika Olsen sigur, at á fíggjarlógini næsta ár verður barnaískoytið til stakar uppihaldarar, hækkað 3.412 krónur fyri hvørt barnið um árið. Talan er sostatt um eina hækking á góðar 284 krónur fyri hvørt barn um mánaðin og tilsamans fer hetta at kosta landskassanum fýra milliónir krónur. Stakir uppihaldarar eru tann bólkurin í samfelagnum, sum er eina ringast fyri, vísir álitið um fátækramarið, sum varð liðugt fyrr í ár.
- Frágreiðingin vísti á, at tað at vera fátækur í longri tíð, kann hava álvarsligar avleiðingar fyri tann einstaka og ta einstøku familjuna. Og tá tað umræður børn, kann sjálvt stutttíðar fátækradømi fáa keðilig árin seinni í lívinum, sigur Annika Olsen.
|
