Felagsskapurin Kris víðkar nú um sítt virksemi, og týsdagin 3. februar letur felagsskapurin upp í nýggjum hølum í Hoyvík.
Í hesum sambandi verður skipað fyri móttøku seinnapartin, har øll eru hjartaliga vælkomin inn á gólvið at síggja hølini og heilsa upp á umboð fyri felagsskapin.
- Nýggju hølini eru í niðaru hædd til høgru í húsunum hjá Samkomuni Immanuel í Brekkutúni 3, Hoyvík.
Beinta M. Pedersen, forkvinna í Kris, sigur, at við nýggju hølunum víðkar Kris um karmarnar hjá teimum, ið søkja sær hjálp fyri seinárin av kynsligum ágangi.
- Ætlanin er eins og í hølunum í Runavík at arbeiða við samrøðum, viðgerðum og bólkum, sigur Beinta M. Pedersen.
