Í gjár var løgreglan í Runavík og gjørdi ferðslukanningar, og tað kom serliga ein bilførari at svíða fyri.
Á vegastrekkjum, har hámarksferðin er lægri enn vanligt, skal ikki nógv til at fáa bót, ella at seta koyrikortið í vanda, men tað lata nógvir bilførarar seg lumpað av.
Vanliga fáa bilførarar klipp í koyrikortið tá ið teir koyra 21 kilometrar skjótari enn loyvt er, men tá ið hámarksferðin er niðursett, fáa bilførarar klipp í koyrikortið tá ið teir koyra bara 16 kilometrar skjótari enn loyvt er.
Og koyra teir 21 kilometrar um tíman skjótari enn loyvt er, missa teir koyrikortið treytað.
Í hesum hesum føri læt ein bilførari seg lumpað í Runavík. Hann varð skrásettur at koyra 51 kilometrar um tíman á einum strekki har tað bara er loyvt at koyra 30, og tað er akkurát nokk til at hann missur koyrikortið treytað.
Hann kann tó framvegis koyra bil, men hann má hann taka koyrikortið av nýggjum, annars missur hann tað heilt.
Harumframt fær hann eisini 4.000 krónur í bót.
