Hóast nógv fólk hevur verið í býnum í nátt, so hevur náttin verið hampuliga friðarlig hjá løgregluni.
Í høvuðsstaðarøkinum varð ein bilur steðgaður í nátt, har bilførarin blásti yvir tað loyvda. Hetta var um trítíðina í nátt, og bilførarin varð skuldsettur fyri rúsdrekkakoyring.
Tvær ferðir hevur løgreglan givið bøtur fyri brot á skilhaldsreglarnar. Í øðrum førinum var tað ein persónur, sum vísti løgregluni longutong – ella fuck-fingurin, sum tað verður sagt, og í hinum førinum var tað onkur, sum ikki dugdi at uppføra seg, men hevði hug at takast.
Ein útlendingur situr í varðhaldi og skal framsetast í grundlógaravhoyring í dag. Tað er fyri hóttanir, sigur vakthavandi, sum ikki fær sagt meira um tað málið.
Og hóast nógv fólk vóru við Tjarnir, har Føroya størsta jólaborðhald var í gjárkvøldið, so var einki mál har fyri løgregluna, sigur vaktleiðarin á politistøðini í morgun.
