Klassikari við broddi

Einasta av seinnu hálvfinalunum í Coca-Cola steypakappingini, sum kann væntast at verða spennandi, er mansdysturin millum Kyndil og VÍF. Í hinum trimum hálvfinalunum er talan stórt sæð bara um avgreiðslu

Hilmar Jan Hansen

22.12.2009 (16:20)

<style type="text/css">  </style>  <o:p></o:p> <p class="MsoNormal">At tað eru tey bæði mest vinnandi mansfeløgini, ið bresta saman í seinnu hálvfinaluni á Hálsi annan jóladag, skerst ikki burtur. Tær 64 ferðirnar, spælt hevur verið um føroyameistaraheitið í føroyskum manshondbólti, hava Kyndil og VÍF vunnið tilsamans 51 ferðir, umframt at tey eisini teljast millum mest vinnandi feløg í steypakappingini.</p> <p class="MsoNormal">Í fyrru hálvfinaluni, sum var í Vestmanna leygardagin, vann Kyndil við fýra málum, 26-22, og tað var triði sigurin av trimum møguligum í uppgerðunum millum Kyndil og VÍF í ár. Men VÍF, sum byrjaði landskappingina illa, hevur ment seg í síðstuni, so talan er um ein púra opnan dyst.</p> <p class="MsoNormal">Gamli klassikarin millum havnarmenn og vestmenningar er eisini tann einasti av teimum fýra hálvfinaludystunum annan jóladag, sum nakað av spenningi stendur um, tí allir hinir endaðu við so stórum og sannførandi stórsigrum, at sera óvæntað ting skulu henda, endar alt ikki, sum tað sá út um vikuskiftið.</p> <p class="MsoNormal"><o:p> </o:p> <p class="MsoNormal">Eingin spenningur<o:p></o:p> <p class="MsoNormal">Í hinari seinnu hálvfinaluni hjá monnum møtast H71 og Neistin í Hoyvíkshøllini, men har skal ganga óvanliga væl hjá H71 og óvanliga illa hjá Neistanum, skal nakað flytast. Neistin vann fyrru hálvfinaluna við 12 málum, 40-28, og hevur gott og væl annað beinið í steypafinaluni.</p> <p class="MsoNormal">Tann sama er støðan í báðum seinnu hálvfinalunum hjá kvinnum, har Stjørnan vann við sensationellum 11 málum á Tjaldri í Runavík, 31-20, umframt at VÍF somuleiðis vann við 11 málum, 32-21, á Kyndli, ið er einasta liðið úr næstbestu deildini, sum er komið í hálvfinalurnar.</p> <p class="MsoNormal">Stjørnan og Tjaldur eru klárt tey bæði bestu kvinnuliðini hetta kappingarárið, men tað er fullkomuliga óhugsandi, at Tjaldur skal megna at hála tey 11 málini innaftur ímóti formsterku Stjørnuni, sum eisini fyri hálvariaðru viku vann við fimm málum á Tjaldri í landskappingini. Og hóast Kyndil kanska hevur eitt betur mannað lið, enn í Vestmanna leygardagin, kann ikki hugsast, at tað skal bera til at venda øllum og vinna við 12 málum á VÍF annan jóladag.<i><o:p></o:p>

Klassikari við broddi

Mest lisið

Løgreglan: Soleiðis kanst tú ikki uppføra teg í Føroyum

Gekk og rópti og geylaði

Ikki sendur av landinum - men ístaðin leyslatin

Útróðrarbátur sakk í Finnmørkini

Smágenta læt lív í Waterworld

Filmur um ung á Oyrasundi: – Tey góvu mær hugin aftur at gera film

Myndir: Víkingur – Linfield 2-1

Í kvøld syrgdu víkingarnir fyri europeiskari uppreisn

Myndir: Víkingur-Linfield

Conference League: Dreymurin um deildarspæl livir hjá Mikkjali