Undan 27. og síðsta umfari, sum var í dag, var Uros Stojanov úr ÍF einsamallur á máltindinum við 17 málum. Undan dagsins umfari hevði Klæmint A. Olsen skorað 14 mál.
Í dag tapti ÍF 4-1 ímóti Víkingi í Sarpugerði, og Uros Stojanov var ikki millum ÍF málskjúttarnar.
Í dag vann NSÍ 4-3 ímóti B36 á Tórsvølli, og Klæmint A. Olsen skoraði trý mál ella hattrikk fyri NSÍ.
Tí endaðu bæði Uros Stojanov og Klæmint A. Olsen á máltindinum við 17 málum.
Klæmint A. Olsen er tann spælarin, sum hevur skorað flest mál í landskappingini. Samlaða máltalið hjá NSÍ liðformanninum er 205 mál.
Hetta er sætta ferðin, at Klæmint A. Olsen er toppskjútti í bestu deildini.
Klæmint A. Olsen toppskjútti:
2020 25 dystir 17 mál
2019 27 dystir 26 mál
2016 27 dystir 23 mál
2015 27 dystir 21 mál
2014 27 dystir 22 mál
2013 26 dystir 21 mál
faroesoccer.com
