Kina leggur nú Japan undir at hava stolið tær umstríddu oyggjarnar í Eysturkinesiska Havinum.
-Japanska framferðin er ólóglig. Tað er ein søguligur veruleiki, at japanar hava stolið oyggjarnar frá Kina, tí Kina hevði ræðisrætt yvir oyggjunum frammanundan, segði kinesiski uttanríkisráðharrin, Yang Jiechi, á ST-aðalfundinum í nátt.
Orðini fullu, eftir at japanski forsætisráðharrin, Yoshihiko Noda, hevði sagt, at Japan fer ikki at gera nakra neyðsemju við Kina um oyggjarnar.
-Oyggjarnar eru ein fastur partur av okkara ræðisøki - bæði søguliga og sambært fólkarættinum, segði Noda.
Japan, Kina og Taiwan kanna sær oyggjarnar, sum eru óbygdar, og sum hava verið undir japanskari umsiting síðani 1895.
