Komandi hósdag klokkan 17 - klokkan 19 finska tíð - spælir KÍ alt avgerandi Play Off dystinum um at sleppa í deildarspælið í Conference League.
Dysturin verður á útivølli á Bolt Arena í Helsinki móti HJK Helsinki. Fyrri dysturin á Tórsvølli endaði við javnleiki 2-2.
Dysturin verður á graslíki, og tað vera 18-20 hitastig, so tað vera heilt góðar umstøður mett í mun til ræðuliga hitan í Banja Luka fyri 11 døgum síðani.
Tað verður ein ísraelskur dómari sum skal leiða uppgerðina millum HJK og KÍ.
Talan er um 33 ára gamla, David Fuxman.
David Fuxman hevur dømt altjóða dystir síðani 2021. David Fuxman hevur dømt ein kvinnulandsdyst, men annars bara dømt ungdómslandsdystir. Hann hevur dømt nakrar dystir í evropeiskum kappingum fyri felagslið. So tað er ikki tann mest altjóða royndi dómarin KÍ fær til alt avgerandi dystin í Helsinki.
17:00 GMT - Helsinki (Bolt Arena)
HJK HELSINKI (FIN) [2-2] KÍ KLAKSVÍK (FRO)
Dómari: David Fuxman ISR
Hjálpardómari 1: Omer Barbiro ISR
Hjálpardómari 2: Tuval Rahamim Koltunoff ISR
Fjórði dómari: Yo’av Avraham Mizrachi ISR
VAR dómari: Daniel Bar Natan ISR
VAR hjálpardómari: Nati Dotan ISR
UEFA dómaraeygleiðari: Nuno Alexandre Parreira de Castro POR
UEFA umboð: Duncan Fraser SCO
