Tá aðalstjórar verða koyrdir frá, so verða teir ikki sendir til hús – eins og til dømis skrivstovukvinnur og vaskikonur. Tann til eina og hvørja tíð sitandi løgmaður finnur teimum bara eitt rímuliga feitt starv onkustaðni í umsitingini, tí tað er eftir øllum at døma meira synd hjá einum stjóra at missa arbeiði, enn til dømis hjá eini skrivstovukvinnu.
Løgmaður boðaði soleiðis 9. mars frá, at Arne Poulsen fór frá sum aðalstjóri og tók við øðrum starvi í lægri lønarflokki.
Men 24. mai valdi Johan Dahl Arna Poulsen í nevndina í P/F Fiskaaling – og harvið fær hann ávísa kompensatión fyri tað, sum hann fór niður í løn.
