Ein jarðskjálvti var í gjárkvøldið undir havbotninum tætt við Taiwan. Amerikanski jarðfrøðistovnurin sigur, at miðdepilin í skjálvtanum var 70 kilometrar undir havsbotninum einar 30 fjórðingar eystan fyri oynna Su-ao, sum er har norðuri í landinum.
Taiwanski jarðfrøðistovnurin sigur, at jarðskjálvtin var 6,5 á Richterstiganum, og at ristingarnar vórðu týðiligar í høvuðsstaðnum Taipei (myndin) og aðrastaðni. Men sum skilst er einki frætt frá nøkrum skaða.
Í 1999 kravdi ein jarðskjálvti 2.400 mannalív í Taiwan. Tann skjálvtin var 7,6 á Richterstiganum.
