Adrian R. Justinussen var aftur við frá dystarbyrjan, tá Hillerød á heimavølli tók ímóti Hvidovre í dysti í næstbestu donsku fótbóltsdeildini. Og tað loysti seg.
Tá bert seks minuttir vóru leiktir sendi Adrian sera hegnisliga eitt hart og væl plasserað fríspark í netmeskarnar hjá Hvidovre. Talan er um níggjunda málið hjá Adrian í 13 dystum hetta kappingarárið.
HER sæst frá Viasat Sport vakra frísparksmálið hjá Adrian.
Fyrri hálvleikur var ikki nógv meir enn hálv leiktur, tá Hvidovre javnaði til 1-1. Løtu seinni brendi Hvidovre eitt brotsspark. Men tað endaði við javnleiki 1-1.
Hillerød er fremst í deildini við 24 stigum. Liðið sum Dan Brimsvík er venjari hjá, Lyngby og komandi liðið hjá Adrian, AC Horsens hava 22 stig hvør.
Í morgin klokkan 14 tekur Lyngby, ið hevur Dan Brimsvík sum venjara móti Martini Agnarssyni og liðfeløgunum í Aarhus Fremad.
