Tað eru bert nøkur fá ár síðani, at Jón Rói, sum tá var í Brøndby, fekk ein álvarsligan krossbandsskaða, sum helt honum burturi frá fótbóltinum í okkurt um eitt ár. Fleiri bóru ótta fyri, at tað var sami skaði, ið Jón Rói fekk undir venjingardysti, tá ið nýggja felagið hjá honum, AaB, var á venjingarlegu í Turkalandi, men so var ikki.
Boðini frá læknanum í dag vóru tey, at talan er um eina veskusamling, sum fer at forða honum í at spæla í okkurt um ein mánað. Harmiligt fyri føroyska spælaran, men tað hevði kunna verið verri.
