Í Irak hevur dómsvaldið givið boð um, at landsins varaforseti, Tariq al-Hashemi, skal handtakast. Tað sigur bretska kringvarpið BBC frá irakskum embætismonnum, sum siga, at handtøkuboðini eru givin sambært lógini um yvirgangsvirksemi.
Ein talsmaður hjá innanríkisráðnum í Bagdad sigur við tíðindastovuna Reuters, at fýra lívverjar hjá varaforsetanum hava skuldsett hann fyri at hava tilknýti til yvirgangsfelagsskapir. Sum skilst eru nakrir av lívverjum hansara tiknir.
Tariq al-Hashemi, sum er sunnimuslimur, ætlaði sær herfyri úr Irak, men fekk forboð fyri at fara av landinum.
