Illveður kenna vit í Føroyum, men helst er tað óvanligt, at bilrútar hokna undir trýstinum og brotna orsaka av veðrinum.
Fleiri bilar kring landið hava fingið skaðar í dag og mest sermerkt er, at rútarnir í fleiri bilum eru brotnaðir.
Hendan myndin er tikin í Kollafirði, tá ið ein bilánari mátti ásanna eftir loknan arbeiðsdag, at bilurin ikki toldi trýsti av vindinum.
Illveðri kann væntast at halda fram alla vikuna út.
Í kvøld hevur hann minkað vindin nakað, men tó er nógvur vindur kring alt landið. Ringast veður verður jólaaftan, sambært veðurstovuni DMI.
